لاہور ( این این آئی) سربراہ عوامی مسلم لیگ و سابق وزیر داخلہ شیخ رشید احمد نے کہا ہے کہ آئین اور قانون کی بالادستی کے آخری پانچ اورز کا میچ آج (جمعہ )سے شروع ہو رہا ہے،شہبازشریف اور کابینہ توہین عدالت کے ریڈار میں آسکتے ہیں۔سماجی رابطے کی ویب سائٹ ٹوئٹر پر اپنی ٹویٹ میں شیخ رشید نے

کہا کہ عدالتی حکم عدولی ہو چکی ہے اور نافرمانی اور توہین عدالت کا عندیہ دے دیا گیا ہے، جس کے ریڈار میں شہبازشریف اور کابینہ آسکتے ہیں۔انہوں نے کہا کہ جسٹس اعجاز افضل نے والیم 10کے ٹکر چلا دیئے ہیں، اور والیم 10کی گلی کوچے میں لوٹ سیل لگنے والی ہے۔ سپریم کورٹ نے ان کی 8رکنی لارجر بینچ کی خواہش بھی پوری کردی ہے، آئین اور قانون کی بالادستی کے آخری پانچ اورز کا میچ جمعہ سے شروع ہو رہا ہے۔سابق وفاقی وزیر نے کہا کہ پاکستان کی کابینہ ہی عدالتی فیصلے سے انکارکی جرت کرسکتی ہے، نااہل لوگ قانون سازی کر رہے ہیں، 12روز سے کابینہ ہر روز ایسے بیٹھ رہی ہے جیسے داتا دربار میں نیاز بانٹی جارہی ہے، ان کے پاس سوائے الیکشن کے ہر کام کے لیے پیسے ہیں، غریب کے پاس کفن دفن کے پیسے نہیں اور وزیراعظم نے 10 توڑے آٹے کی دکان کھول رکھی ہے۔شیخ رشید نے کہا کہ آئین اور قانون کا شکنجہ انتہائی گہرا اورسخت ہوتا ہے، نواز شریف پاکستان نہیں آئیں گے اور لندن واپس جائیں گے کیونکہ شہباز شریف ان کی خواہشیں پوری نہیں کرسکے۔سابق وزیر داخلہ نے کہا کہ آئی ایم ایف کی سوئی عرب امارات کے ایک ارب ڈالر پر اٹکی ہوئی ہے، امید ہے سعودی ولی عہد محمد بن سلمان بھی ان کو سمجھائیں گے کہ بندے کے پتر بنو انتظار کی گھڑیاں ختم ہونے کو ہیں۔

موضوعات:،شیخ رشید