اسلام آباد (این این آئی) پی ڈی ایم کے ترجمان حافظ حمد اللہ نے صدر علوی کا ازخود نوٹس اختیار بل پر دستخط نہ کرنے پر ردعمل کا اظہار کرتے ہوئے کہاہے کہ صدر عارف علوی کا از خود نوٹس اختیار بل پر دستخط سے انکار آئین سے انکار اور انحراف ہے۔اپنے بیان میں انہوں نے کہاکہ ایک مستند آئین شکن دندان سازی میں تو رہنمائی کرسکتاہے قانون سازی میں نہیں۔انہوںنے کہاکہ آپ آئین شکن ہونے کے ساتھ ساتھ قاضی فائزعیسی ریفرنس میں بددیانت بھی ثابت ہو چکے ہو۔حافظ حمداللہ نے کہاکہ ایوان صدر میں بیٹھ کر پاکستان کی نہیں تم نیہمیشہ عمران کی ترجمانی ہے۔انہوں نے کہاکہ ایوان صدر کو ڈاکخانہ سمجھ کرعمران خان کے مفادات کیلئے تم نے ہمیشہ ڈاکیہ کا کردار ادا کیا ہے۔ حافظ حمد اللہ نے کہاکہ جس پارلیمنٹ نے تمہیں ایوان صدر میں بٹھایا اسی پر حملہ آور ہو۔حافظ حمداللہ نے کہاکہ تم نہیں پارلیمنٹ سپریم ہے اور یہ سپرمیسی ہم ثابت کرکے رہیں گے۔

موضوعات:حافظ حمد اللہ