شارجہ( این این آئی) افغانستان کرکٹ بورڈ نے پاکستان کو ٹی ٹونٹی میچز میں شکست دینے والے کھلاڑیوں کے لیے ہزاروں ڈالراور جدید آئی فون کے انعام کا اعلان کردیا۔سوشل میڈیا پر وائرل ویڈیو میں افغان کرکٹ بورڈ کے چیئرمین کو افغان ٹیم کے ڈریسنگ روم میں کھلاڑیوں کو مبارکباد دیتے دیکھا جا سکتا ہے۔افغان کرکٹ بورڈ کے چئیرمین نے اس موقع پر 15رکنی ٹیم کو جدید آئی فون اور 3ہزار ڈالرز دینے کا اعلان کیا۔افغان ٹیم کے ریزرو کھلاڑیوں کو بھی 2 ہزار ڈالر دیئے جائیں گے۔ ایڈمن اسٹاف کو ایک ہزار ڈالر کا انعام دیا جائے گا۔افغانستان نے شارجہ میں جاری تین میچز پر مشتمل ٹی ٹونٹی سیریز کے پہلے دو میچز میں پاکستان کو شکست دی ہے۔