اسلام آباد (این این آئی)ترجمان پی ڈی ایم حافظ حمداللہ نے تحریک انصاف کے لاہور جلسے پر ردعمل کا اظہار کرتے ہوئے کہا ہے کہ مینار پاکستان میں جلسہ نہیں ایک ناکام میوزیکل شو تھا ،بلٹ پروف گاڑی سے اتر کر بلٹ پروف پنجرے میں بیٹھ کر خوف سے کانپنے والا شخص قوم اور نوجوانوں کو

خوف کے بت توڑنے کا بھاشن دے رہاتھا ۔ اپنے بیان میں حافظ حمد اللہ نے کہاکہ ڈرپوک اور بزدل دیکھے تھے مگر آپ جیسا نہیں دیکھا ۔ انہوںنے کہاکہ 2011 میں مینار پاکستان سے جو فتنہ اٹھا تھا لاہوریوں نے اسی مینار پاکستان میں انہیں دفن کیا ۔ انہوںنے کہاکہ مینار پاکستان میں جلسہ نہیں ایک ناکام میوزیکل شو تھا ۔ حافظ حمد اللہ نے کہا کہ عمران سنگر گارہا تھا شو کے اہم سازندہ یاسمین راشد قاسم سوری وغیرہ شو چھوڑ کے چلے گئے ۔ انہوںنے کہاکہ خان صاحب ہاتھ میں پالش برش لیئے چیخ چیخ کر پالش کرنے کا موقع مانگ رہا ہے ۔ انہوںنے کہاکہ مگر کیا کرے،،بوٹ والے،، بوٹ دینے کو تیار نہیں ہے ،خان صاحب جعلی مقبولیت حقیقی قبولیت کے بغیر کام نہیں آئیگا ۔حافظ حمداللہ نے کہاکہ تم نے آزادی کا نعرہ لگا کر اسٹیٹ بینک بیچ دیا اب حقیقی آزادی کا نعرہ لگا کر ملک بیچنے کا ارادہ ہے ۔