اسلام آباد (این این آئی)پی ڈی ایم ترجمان حافظ حمداللہ نے کہاہے کہ پی ٹی آئی زمان پارک سے واشنگٹن تک ریاستی ادارے اور ان کے سربراہ کے خلاف مبینہ طورپر مورچہ زن ہے۔اپنے بیان میں حافظ حمد اللہ نے کہاکہ سوشل میڈیا کے ذریعے زہریلی مہم چلائی جارہی ہے،تم کسی کے لئے ریڈ لائن ہوسکتا ہے قوم کی ریڈلائن تم نہیں ریاست ہے۔انہوںنے کہاکہ تم نے میر جعفر اور میر صادق کس کو کہا تم حاجی اور حافظ کے الفاظ سے کس کا مذاق اڑا رہے ہو؟۔ حافظ حمد اللہ نے کہاکہ ایک طرف جرنیلوں پر تنقید دوسر ی طرف ان کے بیٹوں اور پوتوں کو گود لیا ہوا ہے۔ حافظ حمد اللہ نے کہاکہ تم نے اس شخص کو پارٹی صدر بنایا جن کی سیاست جرنیلوں کی مرہون منت ہے۔ انہوںنے کہاکہ عمران خان کی سیاست ریاست کے خلاف ہے ان کی سیاست اور ریاست اکٹھے نہیں چل سکتے۔ انہوںنے کہاکہ عمران خان تم نے زمان پارک میں جوسیاسی دکان کھول رکھا ہے جلد بندہونے والی ہے۔