اسلام آباد (این این آئی)پاکستان الیکٹرونک میڈیا ریگولیٹری اتھارٹی (پیمرا) نے سپریم کورٹ اور ہائی کورٹ کے موجودہ ججز سے متعلق بیانات نشر کرنے پر پابندی عائد کر دی۔پیمرا کی جانب سے جاری ہونے والے ہدایت نامے میں کہا گیا کہ پیمرا کی جانب سے متعدد مرتبہ یہ ہدایت جاری کی گئی ہے کہ ججز سے
متعلق براہ راست یا ریکارڈڈ مواد نشر کرنے سے گریز کیا جائے۔ہدایت نامے کے مطابق متعدد یاد ہانیوں کے باوجود ٹی وی چینلز اعلیٰ عدلیہ کے ججوں کے کنڈکٹ سے متعلق مواد نشر کر کے توہین آمیز مہم کا حصہ بن رہے ہیں۔ہدایت نامے میں کہا گیا کہ اگر کسی جگہ پر ججز کا کوئی کنڈکٹ زِیر بحث آئے تو اسے نشر کرنا پیمرا ایکٹ کی متعدد دفعات کی سنگین خلاف ورزی کے زمرے میں آتا ہے۔کہا گیا ہے کہ کسی بھی قسم کے مواد کو نشر کرنا جس میں بادی لنظر میں ججوں کے کنڈکٹ کا حوالہ دیا گیا ہو یا اعلیٰ عدلیہ کے خلاف بات کی گئی ہو، اتھارٹی کے قوانین اور عدالت عظمیٰ کے فیصلوں کی سراسر خلاف ورزی ہے۔ پاکستان الیکٹرونک میڈیا ریگولیٹری اتھارٹی نے سپریم کورٹ اور ہائی کورٹ کے موجودہ ججز سے متعلق بیانات نشر کرنے پر پابندی عائد کر دی۔پیمرا کی جانب سے جاری ہونے والے ہدایت نامے میں کہا گیا کہ پیمرا کی جانب سے متعدد مرتبہ یہ ہدایت جاری کی گئی ہے کہ ججز سے متعلق براہ راست یا ریکارڈڈ مواد نشر کرنے سے گریز کیا جائے۔
