لاہور(این این آئی)چیئرمین پاکستان تحریک انصاف عمران خان اور سابق وزیر اعلیٰ پنجاب چوہدری پرویز الہٰی کی ملاقات کی اندرونی کہانی سامنے آگئی جس میں نگراں وزیراعلیٰ پنجاب محسن نقوی کی تقرری چیلنج کرنے پر اتفاق ہوگیا۔ذرائع کے مطابق
پی ٹی آئی رہنمائوں نے پرویز الہٰی کو اپنے احتجاجی لائحہ عمل سے بھی آگاہ کیا۔رائع کے مطابق زمان پارک لاہور میں ہونے والی ملاقات میں عمران خان اور پرویز الہٰی نے نگراں وزیراعلی پنجاب محسن نقوی کی تقرری چیلنج کرنے پر اتفاق کیا۔ذرائع کے مطابق ملاقات میں فیصلہ کیا گیا کہ محسن نقوی کی تقرری کے معاملے پر (آج)بدھ کو عدالت سے رجوع کیا جائے گا۔ذرائع کے مطابق عمران خان اور پرویز الہٰی کی ملاقات کے دوران احمد اویس ایڈووکیٹ نے آئینی اور قانونی شقوں سے متعلق بریفنگ دی۔اس دوران پرویز الہٰی اور عمران خان کے درمیان آئندہ انتخابات سمیت دیگر اہم سیاسی معاملات بھی تبادلہ خیال کیا گیا۔ذرائع کے مطابق پی ٹی آئی رہنمائوں نے پرویز الہٰی کو اپنے احتجاجی لائحہ عمل سے بھی آگاہ کیا، ملاقات میں نگراں وزیراعلیٰ کی تعیناتیوں پر تشویش کا اظہار بھی کیا گیا۔
