لاہور (این این آئی) پاکستان مسلم لیگ (ن) کے قائد نواز شریف کے نواسے جنید صفدر نے پاکستان منتقل ہونے کی تصدیق کرتے ہوئے اصرار کیا ہے کہ وہ سیاسی سرگرمیوں میں حصہ نہیں لیں گے۔سماجی رابطے کی ویب سائٹ انسٹاگرام پر کی گئی اپنی ایک پوسٹ میں انہوں نے کہا کہ وہ صرف اپنے والدین، خاندان اور برادری کی خدمت کے لیے پاکستان آئے ہیں۔جنید صفدر نے کہا کہ میں کسی سیاسی سرگرمی میں حصہ نہیں لوں گا اور نہ ہی فی الوقت میری سیاست میں کوئی دلچسپی ہے۔جنید صفدر نے کہا کہ انہیں لاہور کی سردیاں بہت پسند ہیں اور وہ یہاں کے اس موسم کو بہت مس کر رہے تھے۔