لاہور( این این آئی)منی لانڈرنگ کے لئے مبینہ طور پر لاہور کے ایک بڑے سیاسی گھرانے کی خواتین کے اکائونٹس کے استعمال کا انکشاف ہوا ہے ۔پنجاب کی اعلی شخصیت کی مبینہ تیسری بیوی سائرہ انور کے بعد دو اور خواتین کے بینک اکائونٹس میں مشتبہ ٹرانزکشنز سامنے آئی ہیں۔بتایا گیا ہے کہ ایف آئی اے کی جانب سے طلب کرنے کے باوجود تیسری خاتون بھی پیش نہیں ہوئیں۔خاتون کو ایف آئی اے کی جانب سے 6جنوری کو طلب کیا گیا تھا۔مذکورہ خاتون سے پاکستان اور بیرون ملک جائیدادوں اور دیگر تفصیلات طلب کی تھیں،ایف آئی اے نے خاتون کے بینک اکائونٹس میں اضافوں اور مشتبہ ٹرانزکشزبارے سوالات کے جوابات طلب کئے تھے ۔ ذرائع کے مطابق ایف آئی اے نے مزید افراد کو بھی شامل تفتیش کرنے کا فیصلہ کیا ہے۔