لاہور(این این آئی)پاکستان کرکٹ ٹیم کے سابق کپتان راشد لطیف نے نیوزی لینڈ کے خلاف دوسرے ٹیسٹ میچ میں سرفراز احمد کی بیٹنگ پر اپنے ردعمل میں کہا ہے کہ وہ پہلے اپنی جگہ کے لیے لڑا، اب وہ پاکستان کے لیے لڑ رہا ہے۔راشد لطیف نے سوشل میڈیا اکاؤنٹ پر سرفراز احمد کی تصاویر شیئر کرتے ہوئے مذکورہ بیان شیئر کیا۔سوشل میڈیا پر دیگر اکاؤنٹس سے بھی سرفراز احمد کی تعریف کی جارہی ہے۔واضح رہے کہ سرفراز احمدنے نیوزی لینڈ خلاف پہلے ٹیسٹ کے بعد اب دوسرے میچ کی بھی دونوں اننگز میں نصف سنچری اسکور کی ہے۔