لاہور ( این این آئی) دنیا بھر میں اپنی سوئنگ بالنگ کی وجہ سے مشہور پاکستان کے سابق فاسٹ بولر وسیم اکرم نے مداحوں سے نیا چیلنج لینے سے متعلق سوال پوچھ لیا۔ وسیم اکرم کو اب کرکٹ چھوڑنے کے بعد بھی چمکدار سورج دیکھ کر اپنا ماضی یاد آگیا ہے۔سماجی رابطے کی ویب سائٹ ٹوئٹر پر وسیم اکرم نے سورج کے ساتھ اپنی تصویر شیئر کرتے ہوئے مداحوں سے پوچھا کہ کیا میں اسے سوئنگ کرنے کی کوشش کروں؟۔وسیم اکرم کے سوال پر مداحوں نے انہیں دلچسپ جوابات بھی دیئے ۔ ایک شخص نے لکھاکہ پلیز اسے پنجاب کی طرف کیجئے گا کیونکہ وہاں دھند زیادہ ہے۔دوسرے اکائونٹ سے لکھا گیا کہ یہ گیند نئی اور بہت چمک رہی ہیاسے اوپر رکھیے گا۔مزید ایک اکائونٹ سے لکھا گیا کہ آپ کی پوسٹ سے ماضی یاد آگیا۔