لاہور( این این آئی)چیئرمین مینجمنٹ کمیٹی پاکستان کرکٹ بورڈ نجم سیٹھی نے بھارتی کرکٹ بورڈ کے سیکرٹری جے شاہ کو ٹوئٹر پر طنزیہ جواب دیا ہے۔جے شاہ کی جانب سے ایشیا ء کپ شیڈول کے اعلان پر تبصرہ کرتے ہوئے نجم سیٹھی نے لکھا کہ ایشیاء کپ کا میزبان پاکستان ہے ،مگر آپ اس پر کام کررہے ہیں۔ٹویٹر پیغام میں چیئرمین مینجمنٹ کمیٹی نجم سیٹھی نے کہا کہ اے سی سی کیلنڈر بالخصوص ایشیاء کپ شیڈول کے اعلان پر شکریہ، ایشیاء کپ کا میزبان پاکستان ہے مگر کام اس پر آپ کررہے ہیں۔نجم سیٹھی نے مزید لکھا کہ پی ایس ایل 2023کا کیلنڈر اوراسٹرکچربھی پیش کرسکتے ہیں، آپ کی جانب سے فوری ردعمل کو سراہا جائے گا۔