حمزہ شہباز کو وزیر اعلیٰ بنانے کی وجہ سے لاہور میں (ن) لیگ کی مقبولیت کم ہوئی'(ن) لیگ کو وزیر اعلی ،وزیر اعظم کیلئے شریفوں کے علاوہ کوئی امیدوار نہیں ملتا’ حسن مرتضیٰ
لاہور( این این آئی) پیپلز پارٹی پنجاب نے اپنی توپوں کا رخ اچانک اتحادی جماعت مسلم لیگ (ن) کی طرف کرتے ہوئے (ن) لیگ کو گھر کی جماعت قرار دے دیا۔اس حوالے سے پیپلز پارٹی پنجاب کے پارلیمانی لیڈر سید حسن مرتضیٰ نے کہا کہ مسلم لیگ (ن) کو نہ وزیر اعلی اور نہ ہی وزیرِ اعظم کے لیے شریفوں کے علاوہ کوئی امیدوار ملتا ہے، شریف اقتدار سے اتریں تو ملک سے باہر چلے جاتے ہیں۔انہوں نے کہا کہ عمران خان ہوں یا شریف برادران دونوں کی اولادیں ملک سے باہر بستی ہیں۔حسن مرتضیٰ نے دعوی کیا کہ حمزہ شہباز کو وزیر اعلیٰ پنجاب بنانے کی وجہ سے لاہور میں (ن) لیگ کی مقبولیت کم ہوئی، ان کے جانے پر کسی نے احتجاج تک نہیں کیا۔
