اسلام آباد(این این آئی)وفاقی دارالحکومت اسلام آباد کے سیکٹر جی سکس ون میں گھر میں گھس کر مسلح ملزمان نے پسند کی شادی کرنے والے نوجوان کو قتل کردیا ،ملزمان اپنی بیٹی کو بھی ساتھ لے گئے ۔اسلام آبادپولیس کے مطابق طلحہ نامی نوجوان نے 8 ماہ قبل کورٹ میرج کی تھی جس کا لڑکی کے لواحقین کو رنج تھا ،ملزمان نے اتوار کو گھر میں گھس کر فائرنگ کرکے طلحہ کو قتل جبکے رافع کو زخمی کردیا ۔مقتول نے 8 ماہ قبل شادی کی اور آبائی علاقے مراد ن کو چھوڑ کر اسلام آباد میں رہائش اختیار کرلی تھی ،تھانہ آبپارہ پولیس نے نعش ہسپتال منتقل کرکے پوسٹ مارٹم کروالیا ،نعش آبائی علاقے مردان بھیج دی گئی ترجمان پولیس کے مطابق ملزمان کو جلد گرفتار کرلیں گے۔