اسلام آباد(این این آئی)پاکستان مسلم لیگ (ق )کے رہنما کامل علی آغا نے الزام عائد کرتے ہوئے کہاہے کہ مسلم لیگ (ن )ہمیشہ وعدہ خلافی کرتی ہے۔ایک انٹرویومیں کامل علی آغا نے کہاکہ جب بھی مسلم لیگ ن والے مصیبت میں ہوتے ہیں پائوں پکڑتے ہیں، مصیبت سے نکل کر گریبان پکڑتے ہیں۔انہوںنے کہاکہ وزیر اعلیٰ پنجاب چوہدری پرویز الہٰی نے ہمیشہ کہا ہے کہ عمران خان جب کہیں گے وہ اسمبلیاں توڑ دیں گے۔مسلم لیگ (ق )کے رہنما نے کہا کہ ہم چاہتے ہیں کہ ساری رکاوٹیں عبور کر کے عمران خان کے حکم پر عمل کریں۔کامل علی آغا نے کہا کہ ہم پی ٹی آئی کے چیئرمین عمران خان کے اتحادی ہیں، جو وہ کہیں گے ہم کریں گے۔