کراچی (این این آئی)نیوزی لینڈ کرکٹ ٹیم کے کپتان ٹم ساؤتھی نے کہا ہے کہ ہم وہ کرکٹ کھیلیں گے جو ہمیں سوٹ کرے گی۔میڈیا سے گفتگو کرتے ہوئے ٹم ساؤتھی نے کہا کہ برصغیر کی کنڈیشن مختلف ہوتی ہیں، پلان بنایا ہے اچھی کرکٹ ہو گی، یہاں آ کر کھیلنا ہمیشہ چیلنج ہوتا ہے۔انہوں نے کہا کہ انگلینڈ کے خلاف مشکل سیریز کے بعد پاکستان کم بیک کی کوشش کرے گا۔کیوی کپتان نے کہا کہ انگلینڈ نے یہاں زبردست کرکٹ کھیلی تھی، یہاں کی کنڈیشنز میں اسپن کے ساتھ فاسٹ بولنگ کو بھی مدد ملے گی۔انہوں نے کہا کہ ابھی فائنل الیون کا فیصلہ نہیں کیا، صبح کنڈیشن دیکھ کر فیصلہ کریں گے۔