کرناٹک (این این آئی)بھارت میں ایک 58 سالہ فنکار اسٹیج پر روایتی شو یکشگانا میں پرفارمنس دیتے ہوئے چل بسا۔ فنکار کی شناخت گروواپا بیارو کے نام سے ہوئی ہے، جو بیہوش ہو کر اسٹیج سے نیچے گرا۔بھارتی میڈیا کی رپورٹ کے مطابق مذکورہ واقعہ ریاست کرناٹک کے کاتیل ٹاؤن میں پیش آیا ہے۔ سوشل میڈیا پر وائر اس ویڈیو میں دیکھا جاسکتا ہے کہ یہ شخص شو کے دوران ہی اسٹیج سے اچانک گر پڑتا ہے۔مذکورہ فنکار کے گرتے ہی دیگر فنکاروں نے بھی اپنی پرفارمنس روک دی اور حاضرین بھی اس شخص کو اٹھانے کے لیے پہنچ گئے۔ بتایا جارہا ہے کہ گروواپا کو فوی طور پر اسپتال لے جایا گیا، تاہم وہاں پہنچنے سے پہلے ہی ان کی موت واقع ہوگئی تھی۔