اسلام آباد(این این آئی)وفاقی دارالحکومت اسلام آباد کے نجی اسپتال میں دوران علاج ڈاکٹروں کی غفلت نے مریضہ کی جان لے لی۔آپریشن کے بعد درد کش ( pain killer) دینے کے بجائے خاتون کو انستھیزیا(anaesthesia)کا انجکشن لگا دیا اور مریضہ جاں بحق ہوگئی۔اسلام آباد ہیلتھ کیئر ریگولیٹری اتھارٹی کی جانب سے جاری تفصیلی فیصلے میں اسپتال کی غفلت ثابت ہونے کی تصدیق کی اور کہا کہ نرس کے غلط دوا دینے کی وجہ سے خاتون کی ہلاکت ہوئی۔فیصلے کے مطابق خاتون کا آپریشن کنسلٹنٹ سرجن کے بجائے ایک ٹرینی ڈاکٹر نے کیا۔اتھارٹی نے اسپتال انتظامیہ پر 10لاکھ روپے جرمانہ عائد کردیا۔ دوسری جانب نجی اسپتال کی انتظامیہ نے موقف دینے سے انکارکردیا۔