پشاور(این این آئی)پاکستان مسلم لیگ (ن)خیبر پختونخواکے ترجمان ا ختیارولی خان نے وزیراعلی کے پی محمود خان کے بیان پر ردعمل دیتے ہوئے کہا کہ وفاق سے ملنے والے فنڈز کے پی حکومت عمران کی سیاست پر خرچ کرتی ہے۔ ایک بیان میں انہوں نے کہا کہ محمود خان عمران نیازی کا منشی بن کر جھوٹ بول رہے ہیں،پختونخوا حکومت کو وفاقی حکومت سے ہر ماہ سٹریٹ ٹرانسفرز مل رہی ہیں۔ انہوں نے کہا کہ محمودخان کو علم ہے کہ عمران کی سیاست ختم ہونی والا ہے، اسمبلی نہیں توڑینگے،صوبائی حکومت بتائے کہ 1400ارب کا بجٹ کہاں خرچ کیا۔انہوں نے کہا کہ کے پی حکومت سرکاری خزانے سے پی ٹی آئی کی سوشل میڈیا پر ہر ماہ اربوں روپے خرچ کررہی ہے۔ ا ختیارولی خان نے کہا کہ پی ٹی آئی کی پختونخوا حکومت دس سالہ تاریخ کی بدترین اور نااہل حکومت ثابت ہوئی ہے۔