کابل(این این آئی)افغانستان میں طالبان کی سخت گیرحکومت کی طرف سے طالبات کو یونی ورسٹیوں میں تعلیم سے روکے جانے کے احکامات کے بعد طالبات شدید صدمے میں ہیں۔طالبان کے اس متنازع حکم کے بعد جب طالبات کو پتا چلا کہ انہیں یونی ورسٹی میں پڑھنے سے روک دیا گیا ہے تو وہ صدمے میں پھوٹ پھوٹ کر رو پڑیں۔ جامعات میں طالبات کی تعلیم پرطالبان کی پابندی کے فیصلے پر طالبات اور عوامی حلقے سراپا احتجاج ہیں۔طالبان کے اس فیصلے نے افغانستان میں لاکھوں لڑکیوں کو ان کے تعلیم جیسے بنیادی حق سے محروم کر دیا۔