لاہور(این این آئی) وفاقی حکومت نے عبد اللہ خان سنبل کو چیف سیکرٹری پنجاب تعینات کر دیا جبکہ کامران علی افضل اسٹیبلشمنٹ ڈویژن رپورٹ کرنے کے احکامات جاری کئے گئے۔وفاقی حکومت کی ہدایت پر اسٹیبلشمنٹ ڈویژن نے چیئرمین پلاننگ اینڈ ڈویلپمنٹ بورڈ عبد اللہ خان سنبل جو چیف سیکرٹری پنجاب کے عہدے کی

اضافی ذمہ داریاں بھی نبھا رہے ہیں انہیں اب چیف سیکرٹری پنجاب تعینات کر دیا ہے جبکہ رخصت پر گئے ہوئے کامران علی افضل کو اسٹیبلشمنٹ ڈویژن رپورٹ کرنے کی ہدایت کی گئی ہے۔کامران علی افضل حکومت سے اختلافات پیدا ہونے کے بعد 16ستمبر کورخصت پر گئے تھے اور اس کے بعد انہوں نے متعدد بار رخصت میں توسیع لی۔علاوہ ازیں حکومت سے اختلافات کے باعث رخصت پر جانے والے پنجاب پولیس کے سربراہ آئی جی فیصل شاہکار نے بھی اپنے عہدے کا چارج چھوڑ دیا ہے۔ فیصل شاہکار یواین میں بطور ایڈوائزرپولیس کاچارج سنبھالیں گے۔چارج چھوڑنے کے حوالے سے سیکرٹری سروسزکو رپورٹ ارسال کر دی گئی ہے۔دوسری جانب پنجاب حکومت نے غلام رسول زاہد کو قائم مقام انسپکٹر جنرل پنجاب کا چارج سونپ دیا۔غلام رسول زاہد ایڈیشنل انسپکٹر جنرل انویسٹی گیشن پنجاب تعینات ہیں۔غلام رسول زاہد کا تعلق پولیس سروس آف پاکستان کے 19 ویں کامن سے ہے۔ایڈیشنل آئی جی غلام رسول زاہد نے 1991ء میں پولیس سروس آف پاکستان جوائن کی۔محکمہ سروسز اینڈ جنرل ایڈمنسٹریشن ڈیپارٹمنٹ کی جانب سے ان کی تعیناتی کا نوٹیفکیشن جاری کر دیا گیا۔حکومت سے اختلافات کے باعث رخصت پر جانے والے پنجاب پولیس کے سربراہ آئی جی فیصل شاہکار نے بھی اپنے عہدے کا چارج چھوڑ دیا ہے۔ فیصل شاہکار یواین میں بطور ایڈوائزرپولیس کاچارج سنبھالیں گے۔چارج چھوڑنے کے حوالے سے سیکرٹری سروسزکو رپورٹ ارسال کر دی گئی ہے۔