کراچی(مانیٹرنگ، این این آئی) عالمی منڈی میں خام تیل کی قیمت میں کمی کے باعث پاکستان میں پیٹرولیم مصنوعات کی قیمتوں میں کمی کی جاسکتی ہے۔ نجی ٹی وی کے مطابق انرجی ایکسپرٹس کا کہنا ہے کہ پٹرول کی قیمت میں 10.11 روپے اور ہائی سپیڈ ڈیزل کی قیمتوں میں 13.97 روپے فی لیٹر کمی کا امکان ہے، دوسری جانب انڈسٹری ذرائع کے مطابق پاکستان میں فی لیٹر ڈیزل 9 روپے سستا ہونے کا تخمینہ ہے جب کہ پیٹرول کی قیمت میں بھی ساڑھے 7 روپے فی لیٹر کمی کا امکان ہے۔ذرائع نے بتایا کہ آئی ایم ایف دباؤکے تحت سیلز ٹیکس اور پی ڈی ایل بڑھائے جانے کا امکان ہے۔ذرائع کے مطابق قیمتوں میں کمی سیلز ٹیکس اور پی ڈی ایل میں ایڈجسٹ ہوئی تو تیل کی قیمتوں میں کوئی کمی نہیں کی جائے گی۔