اسلام آباد( مانیٹرنگ ڈیسک) دو وفاقی وزرا سردار ایاز صادق اور سینیٹر اعظم نذیر تارڑ کہ صدر مملکت سے ملاقات ہوئی ہے۔ ملاقات میں قانون سازی کے متعلق بات چیت ہوئی اس سے قبل وفاقی وزیر خزانہ اسحاق ڈار کی بھی صدر مملکت ڈاکٹر عارف علوی سے ملاقات ہوچکی ہے۔ روزنامہ جنگ میں صالح ظافر کی خبر کے مطابق ملاقات کرنے والے وفاقی وزرا کے قریبی زرائع نے بتایا کہ ملاقات میں قانون سازی اور معیشت پر بات چیت ہوئی اس کے علاوہ اسمبلیوں کی تحلیل کے بارے میں بات چیت نہیں ہوئی۔ وفاقی وزراء نے ملاقات میں کہا کہ ملک اس وقت افواہوں اور فضول باتوں کا متحمل نہیں ہوسکتا۔ زرائع نے بتایا کہ وفاقی وزراء نے یہ بات واضع کی ملک اس وقت انتخابات کا بھی متحمل نہیں ہوسکتا کیوں کی ملک کی معاشی حالت بہتر نہیں ہے۔