ڈھاکہ( این این آئی) بنگلادیش اور بھارت کے درمیان کھیلے جارہے ٹیسٹ میچ کے دوران ویرات کوہلی اسپنر تجی الاسلام کی گیند کو سمجھ نہ پائے۔چٹوگرام میں بنگلادیشی اسپنر نے شاندار اسپن بال کرا کر ویرات کوہلی کو ایک رن پر ہی ایل بی ڈبلیو آئوٹ کردیا۔ویرات کوہلی نے آئوٹ ہونے کے بعد حیرانی کا اظہار کرتے ہوئے ری ویو بھی لیا جو کہ ضائع ہوگیا۔ویرات کوہلی کے جلد آئوٹ ہونے اور ری ویو ضائع کرنے پر سوشل میڈیا پر انہیں تنقید کا نشانہ بنایا جارہا ہے۔ایک شخص نے ٹوئٹر پر لکھا کہ سب کچھ عارضی ہے لیکن ویرات کوہلی کا آئوٹ ہونے پر ردعمل دینا مستقل ہے۔