لاہور(این این آئی)پاکستان تحریک انصاف کے مرکزی رہنما پرویز خٹک نے کہا ہے کہ پنجاب اور خیبر پختوانخواہ کی اسمبلیوں کی تحلیل کی تاریخ صرف عمران خان کو معلوم ہے، چوہدری نثار سے کوئی رابطہ نہیں، انہیں مشورہ دوں گا وہ سیاست کریں،

مذاکرات سے متعلق صرف صدر بتا سکتے ہیں۔ زمان پارک کے باہر میڈیا سے گفتگو کرتے ہوئے انہوں نے کہاکہ (ق) لیگ اہم اتحادی ہے اور وہ اپنی کمٹمنٹ پر کھڑے ہیں۔ ہفتے کے روز عمران خان اسمبلیوں کی تحلیل کا اعلان کریں گے، اسمبلی کس تاریخ کو تحلیل کرنی ہے یہ صرف عمران خان جانتے ہیں۔ا نہوں نے کہا کہ حکومت سے کیا مذاکرات ہو رہے ہیں میرے علم میں نہیں،مذاکرات سے متعلق صرف صدر بتا سکتے ہیں۔ انہوں نے کہا کہ پی ڈی ایم کے ماہرین نے ملک کو جس گرداب میں پھنسا دیا ہے اس سے نکلنے کا واحد راستہ انتخابات ہیں۔ انہوں نے کہاکہ چوہدری نثار سے کوئی رابطہ نہیں، انہیں مشورہ دوں گا سیاست کریں۔ انہوں نے کہا کہ حکومت کے ساتھ مذاکرات مشروط ہیں کہ انتخابات کی تاریخ پر بات ہونی چاہیے۔