دوحا(این این آئی) قطر میں فیفا ورلڈکپ کے پہلے سیمی فائنل میں کروشیا کو شکست دینے والی ارجنٹینا کی ٹیم کے کوچ لیونل اسکالونی نے کہاہے کہ ہم ورلڈکپ حاصل کرنے سے محض ایک قدم دور ہیں۔ فائنل میں پہنچنے پر میسی اور کوچ رو پڑے، غیر ملکی میڈیا رپورٹ کے مطابق ارجنٹائن کے کوچ لیونل اسکالونی نے میچ میں کامیابی سمیٹنے کے بعد گفتگو کرتے ہوئے کہا کہ میرے خیال میں ہم جیت کے مستحق تھے لیکن اتنے بڑے مارجن سے جیت کی توقع نہیں تھی۔ انہوں نے کہا کہ کروشیا کے خلاف ہم نے جیت کی خوشی منائی ہے کیونکہ فائنل میں پہنچنا بڑی بات ہے لیکن ابھی ایک اور قدم اٹھانا باقی ہے، ہم ورلڈکپ حاصل کرنے سے محض ایک قدم دور ہیں۔