لاہور( این این آئی) پاکستان تحریک انصاف کے چیئرمین عمران خان 17دسمبر کو پنجاب اور خیبر پختوانخواہ اسمبلیوں کی تاریخ کا اعلان کریں گے۔ تحریک انصاف وسطی پنجاب کے جنرل سیکرٹری حماد اظہر نے عمران خان کی زیر صدارت اجلاس میں شرکت کے بعد بتایا کہ 17دسمبر کو سارے لاہور میں ریلیاں نکلیں گی اور اسی روز لبرٹی چوک میں بڑا اجتماع ہوگا جس میں عمران خان اسمبلیوں کی تحلیل کے حوالے سے تاریخ کا اعلان کریں گے۔ انہوں نے بتایا کہ ہفتے کے روز تمام ڈویژنل ہیڈ کوارٹرز پر بھی سیاسی طاقت کا مظاہرہ کیا جائے گا جہاں سکرینز کے ذریعے عمران کا خطاب دکھایا جائے گا ۔