اسلام آباد(مانیٹرنگ ڈیسک/این این آئی)پاکستان مسلم لیگ ن کے قائد و سابق وزیراعظم میاں نوازشریف کی جنوری کے دوسرے ہفتے وطن واپسی متوقع ۔ پاکستان مسلم لیگ (ن) کے قائد و سابق وزیر اعظم میاں محمد نواز شریف کی جنوری کے دوسرے ہفتے وطن واپسی کا امکان ظاہر کیا جا رہا ہے۔نجی ٹی وی نے ذرائع کے حوالے سے بتایا کہ پہلے مرحلے میں سابق وزیراعظم نواز شریف کی حفاظتی ضمانت کیلئے اسلام آباد ہائیکورٹ میں درخواست دائر کی جائے گی۔پارٹی کے سینئر رہنمائوں نے پارٹی قائد نواز شریف کو لاہور کے بجائے اسلام آباد لینڈ کرنے کا مشورہ دیا ہے۔پارٹی ذرائع کے مطابق نوازشریف نے واپسی سے قبل بجلی اور پٹرول سستا کرنے کی ہدایات دیں۔جبکہ ان کی واپسی کیلئے بھرپور تیارں کی جارہی ہیں ۔