پشاور (این این آئی)پشاور میں ڈالر خریدنے بیچنے والے 3 پلازے حساس ادارے کی اطلاع پر سیل کر دیئے گئے ۔ ملک میں ڈالر کی قیمت کو استحکام دینے کے لیے ایف آئی اے اور حساس اداروں نے مشترکہ کارروائی کرتے ہوئے پشاورمیں ڈالر کا غیرقانونی کاروبارکرنے والے 3 پلازے سیل کردیے۔آپریشن چوک یاد گار کے علاقے میں کیا گیا جبکہ اسسٹنٹ ڈائریکٹر (ایف آئی اے)شفقت جمال کے مطابق رواں برس صوبے بھر میں غیرقانونی کاروباروں کے خلاف 250 آپریشن کیے گئے۔آپریشنز کے دوران 300 سے زائد افراد گرفتار کیا گیا جن کے پاس سے 66 ملین پاکستانی کرنسی اور ڈیرھ لاکھ امریکی ڈالر برآمد کیے گئے۔ڈی شفقت جمال نے کہا کہ سیل کیے گئے پلازوں کے خلاف مزید قانونی کارروائی کی جائے گی۔