بمبئی (مانیٹرنگ ڈیسک) بھارت کے ٹی وی ”ٹی وی 9 بھارت ورش“ بریکنگ نیوز چلا رہا ہے جس میں کہا جا رہا ہے کہ ایل او سی پر ارونا چل کے توانگ سیکٹر پر بھارت آرمی اور چین آرمی کے درمیان جھڑپ ہوئی ہے، جس میں نو سے زائد چینی فوجی زخمی ہوئے ہیں اور بھارت کے بھی فوجی زخمی ہوئے ہیں۔ بھارت کا دعویٰ ہے کہ چینی فوجیوں کو بھارت پر قدم نہیں رکھنے دیا گیا بلکہ منہ توڑ جواب دیا گیا۔ اس سلسلے میں چینی میڈیا بالکل خاموش ہے، کوئی وضاحت سامنے نہیں آئی ہے، بھارتی چینل کے مطابق جھڑپ کے بعد فلیگ میٹنگ بھی ہوئی ہے۔چینل کے مطابق بھارتی فوجیوں نے کم ہونے کے باوجود چینی فوجیوں کی ہڈیاں توڑ دیں۔