پیر‬‮ ، 19 مئی‬‮‬‮ 2025 

غیر قانونی کرنسی کی نقل و حرکت، حکومت کا کریک ڈاؤن کا فیصلہ

datetime 10  دسمبر‬‮  2022
ہمارا واٹس ایپ چینل جوائن کریں

اسلام آباد (مانیٹرنگ ڈیسک)حکومت نے ان کے خلاف کریک ڈاؤن شروع کرنے کا فیصلہ کیا ہے جنہوں نے غیر قانونی کرنسی کی نقل و حرکت، گندم اور یوریا اور ان تمام اشیاء کی شکل میں اربوں ڈالر کی پاکستان سے افغانستان اسمگلنگ میں سہولت کاری میں کوئی کردار ادا کیا جن پر حکومت پاکستان کی جانب سے ریگولیٹری ڈیوٹی لگائی گئی تھی۔

آئی ایس آئی، ایف آئی اے اور کسٹمز انٹیلی جنس سمیت انٹیلی جنس ایجنسیوں کو اسمگلروں کے خلاف بڑے پیمانے پر سخت کارروائی شروع کرنے کے لیے اگلے ہفتے ایک روڈ میپ تیار کرنے کی ہدایت کی گئی ہے۔روزنامہ جنگ میں مہتاب حیدر کی خبر کے مطابق وزیر خزانہ اسحاق ڈار نے اپنے قریبی معتمد وزیر اعظم کے معاون خصوصی برائے محصولات طارق پاشا کو پشاور اور سرحدی علاقوں کے ذریعے افغانستان میں ڈالر کی اسمگلنگ اور گندم اور یوریا سمیت دیگر اہم اجناس کے اعداد و شمار کا پتہ لگانے کی ذمہ داری سونپ دی۔ اب پاشا نے مختلف منظرناموں کی بنیاد پر اربوں ڈالر (کم ازکم ایک سے دو ارب سے زیادہ کی حد میں) مالیت کے بڑے اعداد و شمار پیش کیے ہیں۔ایک عہدیدار نے بتایا کہ یہ سارے اعداد و شمار اربوں ڈالر میں بنتے ہیں اور حکومت نے سرکاری میٹنگوں کے دوران کوئی اعداد و شمار شیئر نہیں کئے۔یہ ستم ظریفی ہے کہ حکومت نے گندم کی درآمد پر محنت سے کمائے گئے ڈالر استعمال کیے اور یوریا پر سبسڈی دی لیکن اسے افغانستان میں اسمگل کیا جا رہا ہے۔ وزارت خزانہ کی جانب سے جاری کردہ ایک سرکاری پریس بیان کے مطابق وفاقی وزیر خزانہ اور محصولات سینیٹر محمد اسحاق ڈار نے آج فنانس ڈویژن میں ملک کی معاشی صورتحال پر ایک بین وزارتی اجلاس کی صدارت کی۔وزیر قانون و انصاف اعظم نذیر تارڑ، ایس اے پی ایم برائے خزانہ طارق باجوہ، ایس اے پی ایم برائے ریونیو طارق پاشا، گورنر اسٹیٹ بینک، سیکریٹری خزانہ، سیکریٹری داخلہ، چیئرمین ایف بی آر، ڈی جی ایف آئی اے، ڈی جی آئی اینڈ آئی کسٹمز اور فنانس ڈویژن اور انٹیلی جنس ایجنسیوں کے سینئر افسران نے بھی میٹنگ میں شرکت کی۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



10مئی2025ء


فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…