اسلام آباد (آئی این پی) عوامی مسلم لیگ کے سربراہ شیخ رشید نے کہاہے کہ پاک فوج نے عمران خان سے بہت تعاون کیا ہے اور عمران خان کے بھی فوج سے اچھے تعلقات رہے ہیں، تحریک انصاف اب اسمبلی میں آ بھی گئی تو میں واپس اسمبلی میں نہیں جائونگا، چوہدری پرویز الٰہی کو ایک منٹ میں پنجاب اسمبلی توڑ دینی چاہیے۔
حکومت ہر محاذ میں ہار مان چکی کر چکی ہے، حالات الیکشن کی طرف جا رہے ہیں۔بدھ کو نجی ٹی وی سے گفتگو کرتے ہوئے پاکستان عوامی مسلم لیگ کے سربراہ شیخ رشید نے کہاکہ ملک کی صورتحال اتنی خراب ہے کہ گلی محلوں میں وارداتیں ہو رہی ہیں اورحکومت ہر محاذ میں ہار مان چکی کر چکی ہے۔ ملک میں عمران خان اکلوتا لیڈر ہیں جس نے اپنی جماعت کو ہمہ گیر سطح پر لے گئے ہیں ۔ اب حالات الیکشن کی طرف ہی جا رہے ہیں اور ملک میں اس وقت سیاسی استحکام کی بھی ضرورت ہے ۔ انہوں نے کہا کہ پاک فوج نے عمران خان سے بہت تعاون کیا ہے اور عمران خان کے بھی فوج سے اچھے تعلقات رہے ہیں ۔ عمران خان ملک میں جدھر بھی جائے انہیں ووٹ ملے گا ۔ انہوں نے کہا کہ تحریک انصاف اب اسمبلی میں آ بھی گئی تو میں واپس اسمبلی میں نہیں جائونگا جب کہ چوہدری پرویز الٰہی کو ایک منٹ میں پنجاب اسمبلی توڑ دینی چاہیے ۔
