لاہور ( این این آئی) پاکستان تحریک انصاف کے وائس چیئرمین شاہ محمود قریشی نے کہا ہے کہ (ن) لیگ والے شہید معظم کے گھر 5 کروڑ روپے لیکر پہنچے ،خاندان کو لالچ بھی دیا اور ڈرایا دھمکایا۔لاہور میں صحافیوں سے گفتگو کرتے ہوئے انہوں نے کہا کہ معظم کے گھر والوں کو مقدمہ کا مدعی بننے کے لیے رشوت دینے کی کوشش کی گئی۔معظم شہید کے گھر والے ن لیگ کے لالچ میں نہیں آئے۔انہوں نے کہا کہ عمران خان پر حملہ کرنیوالے کو جنونی کہا تو پھر (ن) لیگ والے معظم کے گھر کیوں گئے؟ ہمارے دیے گئے تین ناموں پر مقدمہ کرتے، چاہے تفتیش میں جھٹلا دیتے۔شاہ محمود قریشی نے مزید کہا کہ بینظیر کی شہادت پر زیادہ ردعمل سندھ میں آیا لیکن عوام اس طرح نہیں نکلے۔

موضوعات:شاہ محمود قریشی