اسلام آباد(مانیٹرنگ ڈیسک، آن لائن )پی ٹی آئی کے رہنما اور معروف گلوکار ابرار الحق نے دعویٰ کیا ہے کہ انہیں ایسے بھی نوجوان ملے ہیں جو خودکش بمبار بننے کو تیار ہیں، دوسری جانب چیئرمین پی ٹی آئی عمران خان پر حملے کے خلاف احتجاج کرنے والے تحریک انصاف
کے رہنماؤں کے خلاف اسلام آباد میں مقدمات درج کرلیے گئے۔ لانگ مارچ میں کنٹینر پر فائرنگ اور عمران خان کو نشانہ بنائے جانے کے واقعے کے خلاف فیض آباد کے مقام پر ہنگامہ آرائی کے بعد پی ٹی آئی رہنماؤں کے خلاف اسلام آباد میں تین مقدمات درج کیے گئے ہیں۔پولیس کی مدعیت میں تھانہ آئی نائن میں درج مقدمے میں 24 ملزمان کو نامزد کیا گیا ہے، جن میں پی ٹی آئی رہنما علی احمد اعوان، عامر محمود کیانی، واصف قیوم سمیت چودھری شعیب شامل ہیں۔ مقدمے میں الزام عائد کیا گیا ہے کہ ملزمان نے پولیس کے ساتھ مزاحمت کی اور سرکاری املاک کو نقصان پہنچایا۔مقدمے میں درج کیا گیا ہے کہ ملزمان نے پولیس اور ایف سی اہل کاروں پر ڈنڈوں اور پتھروں سے حملہ کیا اور ملزمان کے پتھراؤ سے 9 ایف سی، 5 پولیس ملازمین زخمی ہوئے۔واضح رہے کہ پولیس نیاحتجاج کرنے والے 30 افراد کو گرفتار کر رکھا ہے ۔
ایسے بھی نوجوان ملے ہیں جو خودکش بمبار بننے کو تیار ہیں۔
رہنما پی ٹی آئی ابرار الحق pic.twitter.com/7Vr31ikkB4— Rab Nawaz Baloch (@RabNBaloch) November 5, 2022
