لاہور ( این این آئی) لاہور اورنج ٹرین کی طرز پر کراچی سرکلر ریلوے کے جدید ٹریک کا منصوبہ سی پیک کا حصہ بنایا جائے گا۔حکومتی ذرائع کے مطابق کراچی سرکلر ریلوے کے جدید ٹریک کا منصوبہ 292ارب 38 کروڑ روپے کی لاگت سے مکمل ہو گا۔وزیر اعظم شہباز شریف کے دورہ چین کے دوران کراچی سے پشاور تک ریلوے کے نظام کو بہتر بنانے کے لیے معاہدے کا امکان ہے۔حکومتی ذرائع کا کہنا ہے کہ 9ارب 85کروڑ ڈالرز کی لاگت سے ریلوے کا نظام بہتر بنانے کا امکان ہے۔دورے کے دوران اے آئی ڈی بی سے 50کروڑ ڈالرز کا معاہدہ ہونے کا امکان ہے۔حکومتی ذرائع نے یہ بھی بتایا ہے کہ چین سے 6ارب 30کروڑ ڈالرز کا قرض رول اوور ہونے کا بھی امکان ہے۔