پرتھ (این این آئی)محمد رضوان نے ویرات کوہلی کا ریکارڈ توڑ دیا، محمد رضوان نے کم ترین اننگز میں 25 سو ٹی ٹوئنٹی رنز مکمل کرنے کا ویرات کوہلی کا ریکارڈ توڑ دیا، انہوں نے اپنی 65 ٹی ٹوئنٹی اننگز میں یہ ریکارڈ توڑا، ویرات کوہلی نے یہ اعزاز 68 اننگز کھیل کرحاصل کیا، واضح رہے کہ آئی سی سی ٹی 20 ورلڈ کپ کے

سپر 12 مرحلے کے انتہائی اہم میچ میں پاکستان نے نیدر لینڈز کو 6 وکٹوں سے شکست دیکر میگا ایونٹ میں پہلی فتح حاصل کرلی،پاکستانی باؤلرز کی شاندار گیند بازی کی بدولت نیدر لینڈز نے پہلے بیٹنگ کرتے ہوئے ٹیم مقررہ بیس اوورز میں نو وکٹوں کے نقصان پر91 رنز بنائے ، پاکستان کی ٹیم نے مطلوبہ ہدف 14 ویں اوورز میں 4 وکٹوں کے نقصان پر پورا کر لیا، شاداب خان کو مین آف دی میچ قرار دیا گیا ۔اتوار کو کھیلے گئے اہم میچ میں نیدر لینڈز نے ٹاس جیت کر پاکستان کیخلاف بیٹنگ کرنے کا فیصلہ کیا۔نیدر لینڈز کی ٹیم ابتدا سے ہی مشکلات کا شکار نظر آئی، پاکستان نے شاندار باؤلنگ کا مظاہرہ کیا اور نیدرلینڈز کی ٹیم مقررہ بیس اوورز میں 9 وکٹوں کے نقصان پر صرف 91 رنز بناسکی اور پاکستان کو جیت کیلئے 92 کا ہدف دیا۔نیدر لینڈز کی جانب سے کولن ایکرمین 27 رنز بنا کر نمایاں رہے جبکہ کپتان اسکاٹ ایڈورڈز نے 15 رنز بنائے، اس کے علاوہ کوئی بھی بلے باز ڈبل فگر میں داخل نہ ہوسکا۔پاکستان کی جانب سے شاداب خان نے 4 اوورز میں 22 رنز دے کر 3 کھلاڑیوں کو آؤٹ کیا، محمد وسیم جونیئر نے بھی نپی تلی باؤلنگ کی اور 3 اوورز میں 15 رنز دے کر 2 وکٹیں حاصل کیں۔شاہین شاہ آفریدی، نسیم شاہ اور حارث رؤف نے ایک ایک وکٹ لی۔میچ کے دوران حارث رؤف گیند نیدر لینڈ کے بلے باز ڈی لیڈ کے ہیلمٹ پر لگی اور ان کی آنکھ کے اوپر سے خون بہنے لگا

جس کے بعد وہ ریٹائرڈ ہرٹ ہو کر گراؤنڈ سے باہر چلے گئے۔ ہدف کے تعاوقب میں کپتان بابر اعظم اور محمد رضوان نے اننگز کا آغاز کیا تاہم یہ پارٹنرشپ صرف 2 اوورز ہی میں قائم رہی۔دوسرے اوور کی آخری گیند پر بابر اعظم 4 رنز بنا کر رن آؤٹ ہو گئے۔پاکستان کی دوسری وکٹ 53 کے مجموعی اسکور پر 8 ویں اوور میں گری جب فخر زمان 20 رنز بنا کر آؤٹ ہوئے۔پاکستانی ٹیم کے اوپنر محمد رضوان 49رنز پر پویلین لوٹے ۔

میچ کے اختتامی لمحات میں قومی کرکٹرز نے رن ریٹ بہتر کرنے کے بجائے سنگل ڈبل پر فوکس کیا، شان مسعود نے 16 گیندوں پر 12 بنائے جبکہ افتخار احمد نے 6 اور شاداب خان چار رنز کے ساتھ ناٹ آئوٹ رہے ، شاداب خان کو تین وکٹیں حاصل کر نے پر مین آف دی میچ قرار دیا گیا ۔نیدر لینڈز کی جانب سے برینڈن گلوور نے دو جبکہ پال وین میکرین نے ایک وکٹ حاصل کی۔اہم میچ میں پاکستان کے پلیئنگ الیون میں ایک تبدیلی کی گئی ، مڈل آرڈر بلے حیدر علی کی جگہ جارح مزاج بیٹر فخر زمان کو شامل کیا گیا۔

موضوعات:محمد رضوان