کراچی(آن لائن) پاکستان اسٹاک مارکیٹ میںپیرکو تیزی کا رجحان رہا ،کے ایس ای 100انڈیکس43300پوائنٹس کی سطح پر بند ہوا جبکہ مارکیٹ کے سرمائے میں9ارب روپے سے زائد کا اضافہ ریکارڈکیا گیا ۔پاکستان اسٹاک مارکیٹ میںپیر کو محدود پیمانے پر تیزی رہی ، آٹو،ریفائنری،

ٹیلی کام ،پیٹرولیم، سیمنٹ اور پاور سیکٹر سمیت دیگر منافع بخش شعبوں میں سرمایہ کاری کی بدولت ٹریڈنگ کے دوران انڈیکس مستحکم اندازمیں بلندیوں کی جانب گامزن رہا اور کاروبار کا اختتام بھی مثبت انداز میں ہوا،ایک موقع پرانڈیکس42600پوائنٹس کی سطح کو بھی عبور کرگیا۔ مارکیٹ میں پیرکوکے ایس ای100انڈیکس میں 133.75پوائنٹس بڑھ کر42347.23پوائنٹس ہو گیا۔ کے ایس ای 30انڈیکس 38.19پوائنٹس اضافے سے 15602.64پوائنٹس پر جا پہنچاجبکہ کے ایس ای آل شیئرز انڈیکس 68.78پوائنٹس بڑھ کر28813.65پوائنٹس اورکے ایم آئی30انڈیکس242.64پوائنٹس بڑھ کر71388.39 پر بند ہوا ۔کاروبار ی تیزی کی وجہ سے مارکیٹ کامجموعی سرمایہ 9ارب92کروڑ73لاکھ67ہزار185روپے بڑھ کر68کھرب49ارب70کروڑ76لاکھ75ہزار16روپے ہوگیا ۔پاکستان اسٹاک مارکیٹ میں پیر کو 22کروڑ67لاکھ43ہزار189حصص کے سودے ہوئے جبکہ گزشتہ جمعہ کو 28کروڑ95لاکھ86ہزار شیئرزکاکاروبار ہوا تھا۔حصص مارکیٹ میں مجموعی طور پر318کمپنیوں کا کاروبار ہواجس میں سے205کمپنیوں کے حصص کی قیمتوں میں اضافہ ،94میں کمی اور19کمپنیوں کے حصص کی قیمتوں میں استحکام رہا ۔کاروبار کے لحاظ سے ورلڈ کال ٹیلی کام6کروڑ87لاکھ ، دیوان موٹرز1کروڑ24لاکھ،پاک ریفائنری 1کروڑ24لاکھ ،حیسکول پیٹرول90لاکھ شیئرز کے سودوں سے سر فہرست رہے۔

قیمتوں میںاتار چڑھائو کے اعتبار سے کولگیٹ پامولیو اورماری پیٹرولیم کے حصص کے بھائو 40.19روپے اور26.74روپے بڑھ کر بالترتیب2062.50روپے اور1710.23روپے پر جا پہنچے

جبکہ نمایاں کمی گیٹرون انڈسٹریز اورستاری کیمیکل کے شیئرز کے داموں میں رہی جنکی قیمتیں 31.20روپے اور18.74روپے کے خسارے سے بالترتیب 384.80روپے اور 231.25روپے رہ گئی