کوئٹہ( این این آئی) بلوچستان نیشنل پارٹی ضلع کوئٹہ کے زیر اہتمام سرلٹ پنجپاہی کلی سردار عیدل خان پرکانی میں گرینڈ شمولیتی جلسے سے بی این پی کے سینٹرل ایگزیکٹو کمیٹی کے ممبر وضلعی صدر غلام نبی مری، ضلعی سینئر نائب صدر ملک محی الدین لہڑی، ڈپٹی جنرل سیکرٹری ڈاکٹر علی احمد قمبرانی،بی ایس او کے سابق مرکزی چیئرمین امان اللہ بلوچ، سردارزادہ محمد عالم پرکانی،میر حاتم پرکانی،فہیم بلوچ، حاجی عبدالرشید رودینی، لالا عبدالرسول پرکانی اور حافظ امیر حمزہ نے خطاب کیا۔ اس موقع پر قبائلی رہنما سردارزادہ میر عالم پرکانی اور میر حاتم پرکانی نے برادری سمیت سردار اختر جان مینگل کے قیادت میں بلوچ قومی تحریک کے ہردل عزیز قومی نمائندہ جماعت بی این پی میں شمولیت کا اعلان کر دیا۔