لاہور ( این این آئی) ضلعی انتظامیہ لاہور نے روٹی اور نان کی قیمتوں میں مزید اضافہ کرکے غریب عوام پر ایک اور بم گرا دیا۔ بتایا گیا ہے کہ لاہور کی ضلعی انتظامیہ نے مہنگائی کے ستائے عوام پر روٹی اور نان کی قیمتوں میں اضافے کا مزید بوجھ ڈال دیا ہے ،انتظامیہ کی جانب سے نان روٹی کی نئی قیمتوں کا نوٹیفکیشن جاری کردیا گیا ہے جس کے مطابق سادہ روٹی 14جبکہ نان کی قیمت 22روپے مقرر کی گئی ہے۔نان اور روٹی کی قیمتوں میں اضافے سے شہری شدید پریشان ہیں۔ خیال رہے کہ اس سے قبل روٹی 10سے بڑھا کر 12روپے نان 15روپے سے بڑھا کر 20روپے کیا گیا تھا اور تندور مالکان روٹی بارہ کی بجائے 15اور جبکہ نان بیس روپے میں فروخت کرنا شروع کر دیا تھا۔ ضلعی انتظامیہ کی جانب سے تندور مالکان سے مذاکرات کے بعد نئی قیمت مقرر کی گئی ہے۔