اسلام آباد ( آن لائن) سکیورٹی خدشات کے پیش نظرنوبل انعام یافتہ پاکستانی شہری ملالہ یوسف زئی کوسوات جانے سے روک دیا گیا ۔ذرائع نے بتایا کہ ملالہ یوسف زئی نے سکیورٹی حکام کو سوات میں اپنے گھر جانے کی خواہش کا اظہار کیا تاہم ان کی یہ درخواست منظور نہیں کی گئی ، سکیورٹی خدشات کے پیش نظر انہیں روک دیا گیا ۔یاد رہے کہ سیلاب زدہ علاقوں کا دورہ کرنے کے لیے ملالہ یوسفزئی ان دنوں پاکستان میں ہیں جو گزشتہ روز منگل کو پاکستان پہنچیں تھیں،طالبان کے حملے کے بعد ملالہ یوسفزئی دوسری مرتبہ پاکستان کے دورے پر آئی ہیں،پہلی مرتبہ ملالہ یوسفزئی چار سال قبل اپنے والدین کے ہمراہ پاکستان کے دورے پر آئی تھیں،چار سال قبل پاکستان کے دورے پر آئی ملالہ یوسف زئی نے سوات میں اپنے اسکول کا دورہ بھی کیا تھا۔