دبئی( این این آئی)انٹرنیشنل کرکٹ کونسل نے متحدہ عرب امارات کے کرکٹرز کو فکسنگ پر اکسانے پر بھارتی شہری کو سزا سنا دی۔آئی سی سی نے مختلف مواقع پر فکسنگ کی کوشش کے الزام میں میہر چیاکر پر 14 سال کی پابندی عائد کی۔آئی سی سی کا کہنا ہے کہ میہر چیاکر نے 2019 میں متحدہ عرب امارات اور زمبابوے کے درمیان ہونے والی سیریز فکس کرنے کی کوشش کی اور اماراتی کرکٹرز قدیر خان اور غلام شبیر کو فکسنگ کی پیشکش کی۔انٹرنیشنل کرکٹ کونسل نے کہا کہ ایک کھلاڑی کو گلوبل ٹی ٹونٹی کھلانے کی لالچ دے کر فکسنگ پر اکسایا۔اس حوالے سے آئی سی سی کا کہنا ہے کہ میہر چیاکر نے آئی سی سی کی تحقیقات میں شامل ہونے سے بھی گریز کیا، ان کو اینٹی کرپشن کوڈ کی 7 دفعات کی خلاف ورزی پر سزا دی گئی ہے۔