اسلام آباد (این این آئی)سیلاب زدہ علاقوں میں مچھروں کی یلغار کے پیش نظر سندھ اور بلوچستان کی حکومتوں نے پاک فوج سے حیاتیاتی مچھرکش ہتھیار حاصل کر لیا ہے۔وفاقی وزارت صحت کے حکام کے مطابق موسکل نامی مچھرکش کیمیکل پاک فوج کی
ڈیفنس سائنس اینڈ ٹیکنالوجی آرگنائزیشن (ڈیسٹو) نے تیار کیا ہے۔حکام کے مطابق موسکل کیمیکل زمین میں پائے جانے والے قدرتی جراثیم پر مشتمل ہے جو مچھروں کے لاروا کا خاتمہ کرتے ہیں، پاک فوج اس کیمیکل کو کامیابی کے ساتھ مچھر کش آپریشنز میں استعمال کر چکی ہے،سیلاب زدہ علاقوں میں مچھروں کی یلغار، صوبوں نے پاک فوج سے مچھرکش ہتھیار حاصل کر لیاحکام کے مطابق سندھ اور بلوچستان کی حکومتوں نے پاک فوج کے ذیلی ادارے ڈیسٹو سے کئی ٹن موسکل کیمیکل خرید لیا ، یہ جراثیم دیگر ممالک میں بھی مچھروں کی افزائش روکنے کیلئے استعمال کیے جاتے ہیں۔وفاقی وزارت صحت کے حکام کے مطابق موسکل انسانوں کیلئے محفوظ اور ڈریپ سے منظور شدہ ہے اور سندھ اور بلوچستان کے حکام کو مچھر کش کیمیکل استعمال کرنے کی خصوصی تربیت بھی دی گئی ہے۔
