اسلام آباد (مانیٹرنگ ڈیسک) وزیراعلیٰ پنجاب چودھری پرویز الہی کی لندن میں اہم سیاسی جماعتوں سے خفیہ ملاقاتوں کی اطلاعات ہیں، نجی ٹی وی سماء نیوز کی رپورٹ کے مطابق تحریک انصاف اپنے لانگ مارچ کی تیاریوں میں مصروف ہے جبکہ ان کے اتحادی پرویز الٰہی منظر عام سے غائب ہیں، ذرائع کے مطابق چودھری پرویز الٰہی اندرونی طور پر لانگ مارچ کی مخالفت کر رہے ہیں، دوسری جانب پنجاب کی بیورو کریسی بھی پریشان ہے۔ چودھری پرویز الٰہی کے لندن میں پراسرار ڈیرے اور اہم شخصیات سے ملاقات کی بھی اطلاعات سامنے آئی ہیں۔