لاہور (این این آئی) تحریک انصاف کے رہنما اور سابق گورنر پنجاب عمر سرفراز چیمہ کو مشیر داخلہ پنجاب کا قلمدان سونپ دیا گیا۔دو روز قبل ہاشم ڈوگر نے ذاتی وجوہات کی بنا ء پر بطور وزیر داخلہ پنجاب اپنے عہدے سے استعفیٰ وزیراعلیٰ پنجاب پرویز الٰہی کو بھجوایا تھا، ان کے پاس وزیر جیل خانہ پنجاب کا بھی قلمدان تھا۔جس کے بعد محکمہ داخلہ کا قلمدان تحریک انصاف کے رہنما عمر سرفراز چیمہ کو سونپ دیا گیا ہے۔عمر سرفراز چیمہ کے نام کی منظوری عمران خان نے دی، جس کے بعد عمر سرفراز چیمہ کو مشیر داخلہ پنجاب بنایا گیا ہے۔

موضوعات:عمر سرفراز چیمہ