پی ٹی آئی لانگ مارچ کے خفیہ پلان کے جواب میں اسلام آباد پولیس کا متبادل پلان تیار

اسلام آباد(این این آئی)تحریک انصاف کے لانگ مارچ کا خفیہ پلان کے جواب میں اسلام آباد پولیس نے بھی متبادل پلان تیار کرلیا۔میڈیا رپورٹ کے مطابق لانگ مارچ کے شرکا ء

اور ہراول دستے کو کہاں کہاں رکھا جائے گا؟ انتظامیہ نے ان مقامات کی نشاندہی کرلی،ان مقامات میں پاکستان تحریک انصاف کے فارم ہاسزز اور دیگر اہم مقامات جیسا کہ پنجاب ہاس، کے پی ہاس، کشمیر ہاس اور بنی گالا ہاس شامل ہیں۔وزارت داخلہ کے حکم پر

اسلام آباد پولیس نے پی ٹی آئی رہنمائوں کو گرفتار کرنے کا پلان تیار کرلیا ہے جس کے لیے اسپیشل برانچ نے یونین کونسل کی سطح پر فہرستیں تیار کرلی ہیں۔

ذرائع کے مطابق پی ٹی آئی جلسے کو فنانس کرنے والے افراد کی فہرستیں بھی تیار کرلی گئی ہیں۔

فہرستوں میں 1 کروڑ روپے اور اس سے زائد فنڈنگ کرنے والوں کے نام شامل ہیں۔ فہرستوں میں شامل تمام افراد کو تھانے طلب کرکے نقص امن کی ضمانت لینے کا فیصلہ کیا گیا ہے۔