اسلام آباد(این این آئی)سینٹورس مال میں آتشزدگی کے واقعہ پر ٹیکنکل کمیٹی قائم کرنے کا فیصلہ کرلیاگیا ،ٹیکنکل کمیٹی سینٹورس کی تعمیر میں سی ڈی اے کے قوانین کے مطابق ہوئی یا نہیں یہ جانچ پڑتال کرے گی ۔ جاری اعلامیہ کے مطابق ڈی سی عرفان نواز نے کہاکہ

ٹکینکل کمیٹی کی رپورٹ کی روشنی میں معاملے کو آگے بڑھایا جائے گا ۔ امنہوںنے کہاکہ سینٹورس مال میں آتشزدگی پر تحقیقات کیلئے کمیٹی کام کر رہی ہے ۔ انہوںنے کہاکہ کمیٹی تحقیقات کرے کی کہ کبھی ہنگامی حالات سے نمٹنے کی مشق کی گئی،آگ لگنے کے وقت الارم سسٹم اور آگ بجھانے والا نظام نے کام کیا یا نہیں۔ انہوںنے کہاکہ سٹاف ایسے حالات سے واقف تھا یا نہیں کوتاہی حکومت کی ہے یا مال انتظامیہ ۔ عرفان نواز نے کہاکہ ہنگامی حالت میں مال سے لوگوں کے نکلنے اور ریسکیو کے طریقہ کار کا بھی جائزہ لیا جائے گا ، ہم وہ کام کر رہے ہیں کوئی بھی ہوتا کرنا چائیے تھا۔ڈی سی عرفان نواز نے کہاکہ جانی نقصان کو بجانا ہماری پہلی ترجیح تھی ، جہاں بھی آتشزدگی کو تحقیقات تک سیل کیا جاتا ہے اور ہم نے کوشش کی کسی کا مالی نقصان بھی نہ ہو۔ ڈی سی اسلام آباد نے کہاکہ مال میں دکانداروں کے سامان لیجانے پر کوئی پابندی نہیں ہے، انتظامیہ پر سیاسی انتقام لینے کا الزام غلط ہے ، ہم نے جو کہا وہ انسانی جانوں کو بچانے کیلئے کیا ۔ ڈی سی نے کہاکہ انکوائری کمیٹی کی رپورٹ ملنے پر ہی تینوں ٹاورز کو کھولا جائے گا ۔