لندن /اسلام آباد(این این آئی) پاکستان تحریک انصاف کے رہنما سابق وزیراعظم عمران خان کے برائی سے متعلق بیان پر مسلم لیگ (ن)کی نائب صدر مریم نواز نے طنزیہ ردعمل کا اظہار کرتے ہوئے کہاہے کہ اسی لیے تم سے دور رہنا چاہیے۔تفصیلات کے مطابق گزشتہ روز سیرت کانفرنس سے خطاب کرتے ہوئے عمران خان نے کہا تھا کہ اللہ کا فرمان ہے کہ اچھائی کے ساتھ کھڑے رہو اور برائی سے سے دور رہو جس پر ردعمل کا اظہار کرتے ہوئے مریم نے ٹوئٹ کی کہ اسی لیے تم سے دور رہنا چاہیے۔دوسری جانب لیگی رہنما خواجہ محمد آصف نے بھی عمران خان کا بیان شیئر کرتے ہوئے انہیں پیشہ ور بھکاری قرار دیا۔واضح رہے کہ گزشتہ روز اسلام آباد میں سیرت کانفرنس سے خطاب کرتے ہوئے چیئرمین پی ٹی آئی عمران خان نے حریف سیاستدانوں کو نشانہ بنایا تھا۔

موضوعات:مریم نواز