کراچی (این این آئی)شہر قائد میں اپنڈکس کا آپریشن کرانے جانے والا شخص اسپتال میں دل کا مریض بن گیا، قیوم نامی شخص کی حالت اتنی بگڑ چکی ہے کہ وہ ایک زندہ لاش ہو گئے ہیں۔تفصیلات کے مطابق 30 مارچ 2022 کا دن کراچی کی ریحانہ بی بی پر قیامت بن کر ٹوٹا، اپنڈکس آپریشن کے لیے

پیروں پر چل کر اسپتال جانے والا ان کا 51 سالہ شوہر محمد قیوم ایک زندہ لاش بن گیا ہے۔ریحانہ بی بی نے بتایا کہ اپنڈکس کا ایک چھوٹا سا آپریشن ہوتا ہے، اسپتال انتظامیہ نے مجھے ساڑھے تین بجے کہا کہ آپ اندر آئیں، پھر انھوں نے بتایا کہ آپ کے مریض کو ہارٹ اٹیک آیا ہے۔محمد قیوم کی بیٹیاں ایک طرف اپنے والد کی آواز سننے کے لیے ترس گئی ہیں، دوسری طرف والد کے علاج کے لیے کسی مسیحا کے منتظر ہیں۔ریحانہ بی بی کا کہنا ہے کہ اس حالت میں پہنچنے کے بعد انھوں نے ان کی سوزوکی بائیک بیچ دی، اس سے دو ڈھائی لاکھ روپے ملے، وہ اور ان کی سیلری سب خرچ کر دی ان پر، اب انھیں آگے نہیں معلوم کہ کہاں سے مزید پیسوں کا انتظام ہوگا۔واضح رہے کہ قیوم کے پیٹ میں خوراک کی نالی لگی ہے، اور سانسوں کا تعلق بھی مشین سے جڑا ہے، جس کی وجہ سے سارا گھرانہ بے پناہ تکلیف کا شکار ہے۔ شہر قائد میں اپنڈکس کا آپریشن کرانے جانے والا شخص اسپتال میں دل کا مریض بن گیا، قیوم نامی شخص کی حالت اتنی بگڑ چکی ہے کہ وہ ایک زندہ لاش ہو گئے ہیں۔

موضوعات:اپنڈکس کا آپریشن