لاہور (این این آئی) دروغہ والا میں فوڈ سیفٹی کی ٹیموں نے کولڈ سٹوریج پر چھاپہ مارکر 12ہزار 960 گندے انڈے 900 کلو غیر میعاری دودھ اور 600 کلو خراب پھل بھی برآمدکر کے موقع پر ہی تلف کردیا ۔
ڈی جی فوڈ اتھارٹی کا کہناتھا کہ بیکری مصنوعات میں استعمال ہونے والے ایگ پاڈر کی تیاری کے لیے گندے انڈوں کو سٹور کیا جاتا ہے۔ گندے ٹوٹے انڈے انتہائی کم داموں پر ہیچریوں اور پولڑی فارمز سے خرید کر سٹور کیے گئے تھے۔پنجاب فوڈ اتھارٹی قوانین کے مطابق خوراک کی تیاری میں ٹوٹے گندے انڈوں کا استعمال سنگین جرم ہے۔کولڈ سٹور میں حشرات کی بھرمار،غیر معیاری سٹوریج اور بدبو دار ماحول پایا گیا۔ ریکارڈ کی عدم دستیابی اور صفائی کے ناقص انتظامات پر کارروائی عمل میں لائی گئی۔ زیادہ منافع کمانے کے لالچ میں صحت دشمن عناصر انسانی جانوں سے کھلواڑ کرتے ہیں۔صوبہ بھر کے تمام کولڈ سٹورز کی چیکنگ کا عمل جاری ہے۔ناقص اور غیر معیاری اشیا رکھنے والے سٹورز کے خلاف سخت قانونی کارروائی عمل میں لائی جائے گی۔شہریوں تک معیاری اور صحت بخش خوراک کی فراہمی کیلئے تمام وسائل بروئے کار لائیں گے۔
