اسلام آباد(مانیٹرنگ ڈیسک )پاکستان پیپلز پارٹی کے سینئر مرکزی رہنما اعتراز احسن نے ن لیگ کی نائب صدر مریم نواز نے کافی محنت کی اور انہوں نے ٹیک اوور کر لیا ہے،انہوں نے ن لیگ کی سیاست کو بڑھا رکھا ہے مریم نواز کی جانب سے لہجے میں

نرمی لانے کی ضرورت ہے ۔ اعتزاز احسن نے ہائیکورٹ بار میڈیا سے بات چیت کے دوران کہا ہے کہ6 ماہ پہلے کوئی کہہ سکتا تھا کہ سب کچھ الٹ پلٹ ہو جائے گا۔کیا کوئی سوچ سکتا تھا کہ عمران خان آئوٹ اور شہباز شریف وزیراعظم کی کرسی پر براجمان ہو جائیں گے ۔کیا کوئی کہہ سکتا تھا کہ شہباز شریف اور حمزہ شہباز صبح ضمانت اور شام کو حلف اٹھا رہے ہوں گے۔ پی پی رہنما کا کہنا تھا کہ شریف خاندان کے پاس ایسا ہنر ہے کہ وہ کرسی سے چمٹے رہتے ہیں۔الیکشن اہم حل ہوتا ہے اور پریشانی بڑھ چکی ہے لیکن کوئی کسی سے بات کرنے کو تیار نہیں۔مریم نواز کے لہجے میں حدت ہے جس سے ماحول بہتر نہیں بگڑے گا۔عمران خان اور مریم نواز کو لہجے نرم رکھنے چاہیے۔انکا کہنا تھا کہ اس وقت قومی لحاظ سے اگر کوئی بہترین سیاست کر رہا تو وہ بلاول بھٹو زارداری ہیں ،بلاول بھٹو زرداری نرم لہجہ اور فرائض کو بہترین انداز نے نبھا رہے ہیں ۔